| forward的, 原post係呢度
膠文一篇,純粹發下up瘋
其實由鷹王同當事人反應,已經可以推斷到d相既真偽
鷹王一開始選擇報警係騎虎難下,因為張相實在太真,+上太多人信張相係堅料
如果佢地唔報警,即係默認,所以佢地報警+高調出聲明(用法律黎壓你),主要係用黎表明清白,同埋減慢照片係網上既流傳速度 
而大部份報紙係第二日都明確地表示張相係假野(唔知基於咩原因啦),而大眾判斷亦基於報紙既誤導而選擇相信o個d係假相
但係佢地(鷹王同報紙)算少左一步,佢地應該諗住當初發圖o個條友係得一張相佢地冇諗過原來條友有咁多貨係手,條友一受刺激,即刻upload set連圖上網,佢咁做用意好明顯,係用黎表明第一張相既真確性,事件發展到呢到,鷹王會選擇低調處理事件,最起碼唔會好似第一日咁高調報警,因為佢地驚再刺激條友,會有更多旗下女星既性愛照片被曝光(唔知對方手上有幾多籌碼)![[shocking]](http://forum3.hkgolden.com/faces/shocking.gif) 
事件暫時極其量受影響既都只係影響鷹王一個藝人,佢地會盡量淡化事件已挽救事主形象,如果失敗,大不了咪放棄佢,但係如果再刺激發相人,一陣一個唔該爆埋其他女藝人既相出黎,咁情況就難以控制,所以鷹王暫時會以靜制動,靜觀其變
睇到呢到,其實我已經覺得d相好大可能係堅料,從鷹王角度黎睇,如果d相係流,鷹王一定會企硬再次高調澄清,而唔係好似而家咁被動,而家鷹王似係驚左放相條友
從放相既人黎睇,如果今次純粹係惡作劇,key假相放上網戲弄一下事主,咁當鷹王出聲明表+報警當日應該會立即嚇到鳩縮,唔會再放連圖上網,佢放得連圖上網,就係為左證明第一張相既真確性,即係有心玩大佢
我地再睇睇鷹王方面既說法,根據頭x日報既報導,鷹王表明相片屬移花接木,鍾小姐並冇睇過以上相片,我心諗,張相係真係假,只有當事人先知,連當事人都未睇過,點解鷹王就一口認定係假相?可見鷹王內部已決定,無論張相係真係假都好,一概否認
再回想陳先生既聲明,佢向報紙表明,一切只是惡作劇,我想,我同你扑野影相,再將d相放上網俾人欣賞係惡作劇,我將你個頭key落av男優度再放上網都係惡作劇,咁即係點?如果陳生真係俾人屈既,我相信以佢既性格一定會用一大堆英文粗口黎問候記者+矢口否認,而家佢屬進退兩難,如果佢否認,而d相又俾人check到係真既,佢以後可以係香港消失,另一方面,而家佢又唔可以承認自己係相中主角,所以唯有答係惡作劇呢d無稜兩可既答案,風波中另一主角謝太亦發聲明,同樣無否定相片真偽
再加上陳先生已出走香港........
我既廢話講完啦 |
